هـوصـل غـصب ..

و مهما قالوا و حكوا انك فاشل مش هتحقق حلم في حياتك  .. اثبت لهم انك هتوصل لهدفك من غير كتر كلام فاجئهم فـ يوم انك انسان حققت طموح قديمة ولسه عندك طموح جديده .. اثبت لهم انهم هم الفشله فـ الحكم عـ الناس ..

#اثبت_نفسك 

و إني ظانة بربي خيراً ..

قال الرسول ﷺ يُحدث عن ربه ﷻ " أَنَا عِنْدَ ظَنِّ عَبْدِي بِي فَلْيَظُنَّ بِي مَا شَاءَ " ..

يا مؤمن ربك سبحانه و تعالى قالك ان كما تظن به سيحدث يعني هتقول انا واثق ان ربنا سبحانه و تعالى هيرزقني بكذا و كذا فسيرزقك بكذا و كذا حتى و إن كان آجلاً .. لكن لو قلت انا عاصي و هدخل النار و هعيش حياتي كلها عذاب و قرف فهل تتخيل بقى ان حياتك تبقى وردي و انت مش مُحسن ظنك في الله .. احسنوا الظن ヅ

عيب!!

الكلمة دي اتربينا عليها قبل كلمة "حرام"
يعني لما طفل ينقل الكلام بين الناس بنقوله "عيب يا حبيبي نقل الكلام الولاد الحلوين مبيعموش كده" !!
لما يستهزأ بزميله المريض نقوله"عيب يا حبيبي ده زميلك و اخوك مينفعش" !!
طب ليه مربتوناش على كلمة حرام .. ليه مربتوناش على ان كل كلمة اقولها او فعل اعمله ربنا بيحاسبني عليه
من كتر ما كلمة عيب بقت تتقال في حياة الطفل اكتر من حرام اتعود عـ الخوف من الناس فـ طول ما الناس مش شيفاه بيعمل الحرام!

#ربونا_صح

بـــحــبك .. ♥

**بحبك دي كلمة مش سهلة .. يعني مش سهل اول ما تعجب بواحده تروح تقولها بحبك ..
- طيب انت متأكد انك حبتها؟
= لأ طبعاً :\
- اومال على اي اساس روحت قلتلها بحبك
= اصلها مزه بقى و كده و هتفشخر بيها قدام صحابي
- طب ما تروح تقلها انا معجب بيكي
= لا الكلام ده ميدخلش العقل و هتقعد في جو JUST FRIEND و صحابي هيحفلوا عليا -_-
- طب ده حرام ولا حلال؟
= معرفش :\
- حرام عـ فكره ،حرام تتلاعب بمشاعر بنت آمنتك على عذرية قلبها و انت اخدتها .. صعب تنساك حتى لو هي اتجوزت هتبقى بتخون جوزها في مخيلتها ، طب تعرف ان كلامكم حرام اصلها يا سيدي مش محرم ليك و بعدين بتحبها فتقولك كلمات زي "وحشتني ، بحبك ، مقدرش اعيش من غيرك" و هكذا و هترد عليها بكلامك المعسول طبعاً فـ ده حرام .. ابعد يا ابن الناس عن البنات حتى لو كانت ماشية عريان في الشارع انت مش هتحاسبها ليها رب هيحاسبها و يحاسبك و مش معنى ان واحده قبلت تكلمك معناها انها بتموت فيك ممكن تعتبرك صديق او اخاو حد يهتم بيها ما هي مش هتكلمك إلا لو كانت مفتقدة الاهتمام في بيتها ..

#رآعوا_في_تصرفاتكم_الرب 

((يَوْمَ نَقُولُ لِجَهَنَّمَ هَلِ امْتَلَأْتِ وَتَقُولُ هَلْ مِن مَّزِيدٍ))

الآية دي (يَوْمَ نَقُولُ لِجَهَنَّمَ هَلِ امْتَلَأْتِ وَتَقُولُ هَلْ مِن مَّزِيدٍ)

هيحصل فعلاً اللي فيها متخيلين يعني ايه قانون يحلل أفعال قوم لوط .. بلاش نتكلم من الناحية الدينية .. من ناحية الفطرة بقى مبتحسش بقرف لما تشوف المناظر دي .. مفيش حاجه اسمها حرية و لو الحرية هي تحليل الكبائر يبقى بلاها حرية ..
امريكا دولة اصلاً مفهاش لا حرية ولا ديمقراطية ده مجرد وش لابسينه يخفي بلاوي .. يعني لو حصل مظاهرة ضد اوباما هل تتخيلوا ان ممكن يقول مفيش مشكلة و يسيب الحكم .. تبقوا بتحلموا و ده معناه ان مفيش حرية
امريكا يعني في وساخه حطوها تحت مسمى حرية ..

لنا الله .. ربنا المنتقم
حسبي الله ونعم الوكيل

عـلآقة التعليم بالجـواز ..

التعليم مش شرط عشان يكون الانسان مثقف او فاهم ،الثقافة عمرها ما جت من الكتب الدراسية خصوصاً في بلادنا العربية .. كام دكتور لما تتعامل معاه تحس انه مشافش ريحة الكتب اصلاً و كام خريج تجارة ولا آداب ولا حتى تمريض تلاقيه ممكن يبقى عنده ثقافة اكتر من الدكتور .. الفرق بينهم ان ده بيحب القراءة بس ملوش حظ في التعليم اما الدكتور بيحب التعليم و ملوش حظ في الثقافة "يعني ايه بيحب التعليم؟! يعني تلاقيه يومياً في المدرسة و بيحفظ من غير فهم مجرد -ميموري- " طبعاً دي مش قاعدة ماشيه عـ الكل يعني مش كل الدكاترة و طلاب كليات القمة غير مثقفين ولا كل طلاب الكليات "الشعبية" مثقفين بس لما حضرتِـ/ــَـك تيجوا تختاروا شريكـ/ـة الحياة لآزم تعتمدوا عـ ثقافته/ـا بلاش بقى جو مستواه/ـا المادي و الاجتماعي و التعليمي .. المهم المستوى الثقافي و الديني و الأخلاقي .. اعقلوها شوية بقى ;)

Soon .. :"))

- تعرف اننا قربنـا اوي من يوم القيامة ..

= هــه ،و ازاي بقى يا عم الشيخ؟

- أولاً قولتلك كتير اني مش شيخ ولا حاجه

= طب اتفضل افتي و قول ازاي قربنا من يوم القيامة

- بص يا سيدي اصلك متعرفش ان اللي بيحصل في البلاد العربية ده من علامات يوم القيامة الصغرى

= نعم!! و ده ازاي يا اخينا ؟!

- شوف القتل و كتر الهرج و المرج ده من علامات يوم القيامة و عدم ذهاب الناس للمساجد و الاستهتار بالدين و بتعاليم الإسلام و إسقاط حُكّام البلاد العربية و غيره و غيره مش رسولنا -صلى الله عليه وسلم- قال ان الاسلام بدء غريب و في آخر الزمن هيرجع غريب أهو هو ده بالظبط اللي بنشوفه اللي مواظب عـ صلواته في المسجد يبقى إرهابي و المنتقبة و الملتحي إرهابين نسوا ان ده اللي رسولنا أمرنا به .. لنا الله :)

#فرعونية